ƏLYAZMALAR İNSTİTUTUNUN ALİMİNİN ÖN SÖZ YAZDIĞI XURŞİDBANU NATƏVAN HAQQINDA BİBLİOQRAFİYA NƏŞR OLUNUB » Əlyazmalar İnstitutu

  ELEKTRON MƏLUMAT BAZASI    


ƏLYAZMALAR İNSTİTUTUNUN ALİMİNİN ÖN SÖZ YAZDIĞI XURŞİDBANU NATƏVAN HAQQINDA BİBLİOQRAFİYA NƏŞR OLUNUB

12.09.22. Oxunma sayı: 71 NƏŞRLƏR
Bu günlərdə ön sözü (“Xurşidbanu Natəvanın irsi kitabxana və şəxsi fondlarda”) AMEA Məhəmməd Füzuli adına Əlyazmalar İnstitutunun icraçı direktoru, filologiya elmləri doktoru Paşa Kərimova məxsus “Xurşidbanu Natəvan (Xurşidbanu Natəvan Mehdiqulu xan qızı Cavanşir)” adlı biblioqrafiya işıq üzü görüb.
Xurşidbanu Natəvanın anadan olmasının 190 illik yubileyi münasibətilə hazırlanan və ilk təqdimat mərasimi ölkəmizin mədəniyyət paytaxtı Şuşada keçirilən biblioqrafiya Azərbaycanın Milli Kitabxanası tərəfindən “Azərbaycanın görkəmli şəxsiyyətləri” seriyası çərçivəsində hazırlanıb. Biblioqrafiyada XIX əsr tanınmış Azərbaycan şairəsi, Qarabağ xanlığında böyük nüfuza malik Xan qızı Xurşidbanu Natəvanın əsərləri, həyat və yaradıcılığı, ictimai fəaliyyəti haqqında, habelə onun dünyanın ən zəngin kitabxanalarında mühafizə olunan nəşrləri öz əksini tapmışdır. Yeni nəşr ədəbiyyatşünas alimlər, tədqiqatçılar, jurnalistlər, kitabxanaçı-biblioqraflar və geniş oxucu kütləsi üçün nəzərdə tutulub.
Qeyd edək ki, yeni nəşrin tərtibatçıları Mədinə Vəliyeva və Gülanə Quliyeva, elmi redaktoru Əməkdar mədəniyyət işçisi, professor Kərim Tahirov, redaktoru isə Xeyransa Abbasovadır.
OXŞAR XƏBƏRLƏR:

04.05.22 “QƏMƏR BƏYİM ŞEYDA ARXİVİNİN TƏSVİRİ” ÇAP OLUNUB
27.12.19 NƏSİMİSEVƏRLƏRLƏ İLK GÖRÜŞ
20.11.19 ƏLYAZMALAR İNSTİTUTUNUN ALİMİNİN MƏQALƏSİ İRANDA AZƏRBAYCAN DİLİNDƏ NƏŞR OLUNUB
21.12.18 FUNDAMENTAL ELMİ BİBLİOQRAFİYA İŞIQ ÜZÜ GÖRÜB
11.05.18 ƏLYAZMALAR İNSTİTUTUNUN ƏMƏKDAŞININ YENİ MONOQRAFİYASI İŞIQ ÜZÜ GÖRÜB

© Copyright 2009-, AMEA Məhəmməd Füzuli ad. Əlyazmalar İnstitutu. Bütün hüquqlar qorunur.
Bağla