2021-2022-Cİ TƏDRİS İLİNDƏ MAGİSTRATURA SƏVİYYƏSİNƏ QƏBUL OLMAQ İSTƏYƏN BAKALAVRLARIN NƏZƏRİNƏ » Əlyazmalar İnstitutu



2021-2022-Cİ TƏDRİS İLİNDƏ MAGİSTRATURA SƏVİYYƏSİNƏ QƏBUL OLMAQ İSTƏYƏN BAKALAVRLARIN NƏZƏRİNƏ

09.06.21. Oxunma sayı: 229 TƏDRİS
2021-2022-ci tədris ili üçün magistratura səviyyəsinə qəbul imtahanında məntiqi təfəkkür, xarici dil və informatikadan yüksək bilik səviyyəsi göstərən və DİM tərəfindən qoyulan şərtləri ödəyənlər AMEA Məhəmməd Füzuli adına Əlyazmalar İnstitutuna 060205 Kitabşünaslıq (“Dünya və Azərbaycan kitabşünaslığı”) ixtisası üzrə magistr təhsili almaq üçün müraciət edə bilər.
Əlyazmalar İnstitutunun magistraturasına qəbul olanlar elmi müəssisədə təhsil aldıqları dövrdə İnstitutun mütəxəssislərinin, professor və dosent heyətinin qabaqcıl tədris metodikası sayəsində müasir biliklərə yiyələnəcək, institutun kitabxanasından, əlyazma və şəxsi arxiv fondlarında qorunan materiallarından yararlana biləcəklər. Onlar aktiv şəkildə İnstitutun elmi yaradıcılıq fəaliyyətinə qoşulacaq, “Əlyazmaların bərpası” laboratoriyasında, “Elektron resurslar”, “Kitabşünaslıq və biblioqrafiyaşünaslıq” şöbələrində abidələrin bərpa-konservasiya prosesinin, elektronlaşdırılmasının, kataloqlaşmasının şahidi olacaq, gənc alim və mütəxəssislərin hər il təşkil olunan konfrans və elmi seminarlarına qatılmaq şansı əldə edəcəklər.
Qeyd edək ki, institutda magistratura 15 sentyabr 2016-cı il tarixindən fəaliyyət göstərir. Hazırda elmi müəssisənin magistraturasından məzun olunanlar ixtisaslı mütəxəssis kimi fəaliyyət göstərir, doktorant və dissertant təhsili alırlar.
OXŞAR XƏBƏRLƏR:

31.01.20 İLAHİYYAT İNSTİTUTUNUN TƏLƏBƏLƏRİ ƏLYAZMALAR İNSTİTUTUNDA OLUBLAR
19.11.19 ƏLYAZMALAR İNSTİTUTUNDA “ƏLYAZMA KİTABLARININ BƏRPASI VƏ KONSERVASİYASI QAYDALARI” ADLI PRAKTİKİ MƏŞĞƏLƏYƏ START VERİLİB
04.12.18 AKADEMİK TEYMUR KƏRİMLİ QAZAXISTANLI TƏLƏBƏLƏRƏ MÜHAZİRƏ OXUDU
13.06.18 ƏLYAZMALAR İNSTİTUTUNUN MAGİSTRANTLARI MAGİSTR BURAXILIŞ İŞLƏRİNİ MÜDAFİƏ EDİBLƏR
22.02.18 ƏLYAZMALAR İNSTİTUTUNDA İNGİLİS DİLİ KURSU TƏŞKİL EDİLİR

© Copyright 2009-, AMEA Məhəmməd Füzuli ad. Əlyazmalar İnstitutu. Bütün hüquqlar qorunur.
Bağla