MAHMUD KAŞQARİ ADINA MÜKAFAT TƏQDİM OLUNDU » Əlyazmalar İnstitutu
(+994) 12 4923197 info@manuscript.az
AZ EN



MAHMUD KAŞQARİ ADINA MÜKAFAT TƏQDİM OLUNDU

18.05.18. Oxunma sayı: 128 Tədbirlər
18 may 2018-ci il tarixdə AMEA-nın Məhəmməd Füzuli adına Əlyazmalar İnstitutunda Mahmud Kaşqari adına Beynəlxalq Fondun Mahmud Kaşqari medalının təqdimat mərasimi olub. Qeyd edək ki, M.Kaşqari medalı Ümumtürk mədəniyyətinə, ədəbiyyatına  xidmətləri olan nüfuzlu şəxslərə verilir.
Tədbiri Məhəmməd Füzuli adına Əlyazmalar İnstitutunun direktoru, akademik Teymur Kərimli açaraq Mahmud Kaşqari medalının türk dünyasının nüfuzlu  mükafatlarından olduğunu bildirib. O, bu mükafata layiq görülməsindən şərəf duyduğunu bildirib. Sonra T.Kərimli sözü Mahmud Kaşqari adına Beynəlxalq Fondun prezidenti Elxan Qaraxanoğluna verib.
E.Qaraxanoğlu Beynəlxalq Fondun mahiyyəti, funksiyası  və vəzifələri barədə qısa məlumat verib. O, adıçəkilən təşkilatın məqsədinin türk dünyası xalqları arasında inteqrasiya və birlik yaratmaq olduğunu deyib. O, vaxtilə Süleyman Dəmirəl, Nursultan Nazarbayev, Oljes Süleymanov kimi nüfuzlu şəxslərin bu mükafata layiq görüldüklərini qeyd edib.
E.Qaraxanoğlu Azərbaycanın da bir çox tanınmış alim, yazıçı və ictimai xadimlərinin M.Kaşqari medalı ilə təltif olunduğunu bildirib. O, İsa Həbibbəylinin, Abel Məhərrəmovun, Çingiz Abdullayevin, Sabir Rüstəmxanlı və digər şəxslərin bu sırada olduqlatrını bildirib. E.Qaraxanoğlu bu il də Münsiflər Heyətinin qərarı ilə həmin mükafata AMEA-nın Məhəmməd Füzuli adına Əlyazmalar İnstitutunun direktoru, akademik T.Kərimlinin və Folklor İnstitutunun direktoru akademik Muxtar  İmanovun layiq görüldütklərini bildirib və laureatları təbrik edib.
Mükafatları Mahmud Kaşqari adına Beynəlxalq Fondun Münsiflər Heyətinin üzvü, yazıçı Elçin Hüseynbəyli və E.Qaraxanoğlu təqdim edib.
Tədbirin sonunda AMEA-nın Folklor İnstitutunun direktoru, akademik M.İmanov və Əlyazmalar İnstitutunun direktor  müavini, fil.ü.e.d. Aybəniz Kəngərli çıxış edərək Beynəlxalq Fondun rəhbərliyinə minnətdarlıqlarını bildiriblər. 


скачать dle 12.0
OXŞAR XƏBƏRLƏR:

07.05.18 HEYDƏR ƏLİYEV VƏ ƏLYAZMALAR İNSTİTUTU
26.02.18 ƏLYAZMALAR İNSTİTUTUNDA XOCALI FACİƏSİNƏ HƏSR EDİLMİŞ ANIM MƏRASİMİ KEÇİRİLİB
09.12.17 AMEA-NIN MƏHƏMMƏD FÜZULİ ADINA ƏLYAZMALAR İNSTİTUTU İLƏ DAŞKƏND DÖVLƏT ÖZBƏK DİLİ VƏ ƏDƏBİYYATI UNİVERSİTETİ ARASINDA ƏMƏKDAŞLIQ MEMORANDUMU İMZALANIB
17.02.18 KOLUMBİYA SƏFİRİ ƏLYAZMALAR İNSTİTUTUNDA OLUB
30.11.17 AZƏRBAYCAN ƏLYAZMALARI DÜNYA KİTABXANALARINDA

© Copyright, 2018, AMEA Məhəmməd Füzuli ad. Əlyazmalar İnstitutu. Bütün hüquqlar qorunur.
Bağla