AZƏRBAYCAN ƏDƏBİYYATININ BEYNƏLXALQ TƏBLİĞİNƏ ƏLYAZMALAR İNSTİTUTUNUN TÖHFƏSİ

Bu günlərdə böyük Azərbaycan şairi və dramaturqu Hüseyn Cavidin “Topal Teymur” tarixi dramı ingilis dilində ayrıca kitab halında nəşr olunub. Azərbaycan Milli Elmlər Akademiyası Hüseyn Cavidin Ev Muzeyinin nəşrə hazırladığı əsəri ingilis dilinə tərcümə və redaktə edənlərdən biri AMEA Məhəmməd Füzuli adına Əlyazmalar İnstitutunun Beynəlxalq əlaqələr şöbəsinin müdiri, tarix üzrə fəlsəfə doktoru Nigar Babaxanovadır. Azərbaycan Dövlət Pedaqoji Universitetinin Azərbaycan və dünya ədəbiyyatı kafedrasının baş müəllimi, filologiya üzrə fəlsəfə doktoru, dosent Məlahət Babayeva ilə birgə ingilis dilinə tərcümə edilən bu tarixi dramda Hüseyn Ca­vi­din əsas qa­yəsimüsbət plan­da ve­ril­miş Tey­mur ob­ra­zı­nı XX yüzil­li­yin türk hökmdar­la­rı­na bir örnək ki­mi təq­dim et­mək, ta­ri­xi fa­ciə­lər­dən ib­rət ala­raq, qar­daş çə­kiş­mə­lə­ri­ni qar­daş bər­kiş­mə­lə­ri ilə əvəz et­mək, bu­nun­la da türk et­no­sunun qlo­bal sə­viy­yə­də nüfuz və hörmə­ti­ni ar­tır­maq­dan iba­rət­ olmuşdur.
Qeyd edək ki, qələmə alınmasının 95-ci ildönümü münasibətilə işıq üzü görmüş kitabın “Ön söz” və ideya müəllifi dahi şairin ev muzeyinin direktoru, Əməkdar mədəniyyət işçisi, filologiya üzrə elmlər doktoru Gülbəniz Babaxanlıdır.