QAYDALARA CİDDİ ƏMƏL ETMƏKLƏ QƏLƏBƏNİ YAXINLAŞDIRMALIYIQ » Əlyazmalar İnstitutu
(+994) 12 4923197 AMEA M.Füzuli ad. Əlyazmalar İnstitutunun rəsmi saytı
AZ EN



QAYDALARA CİDDİ ƏMƏL ETMƏKLƏ QƏLƏBƏNİ YAXINLAŞDIRMALIYIQ

02.07.20. Oxunma sayı: 84 MEDİA / PUBLİSİSTİKA
Bir neçə aydır ki, bütün dünya COVID-19 pandemiyası ilə üz-üzədir. Çox təəssüf ki, bu qəfil bəla Azərbaycanımızdan da yan keçmədi. Pandemiyanın ilk günündən başlayaraq dövlətimiz bu bəladan maksimum az itkilərlə çıxmaq üçün mühüm tədbirlər həyata keçirir. Ancaq məlumdur ki, bu bəlanın öhdəsindən gəlmək təkcə dövlət orqanlarının əlində deyil. Hər bir fərdin özünü və başqalarını qorumaq məsuliyyəti yoluxmanın artmaması üçün əsas amillərdən biridir və bunu ilk gündən Prezident İlham Əliyev, birinci xanım Mehriban Əliyeva xalqa müraciətlərində dəfələrlə bildiriblər.
Bu fikri AZƏRTAC-a açıqlamasında AMEA-nın Məhəmməd Füzuli adına Əlyazmalar İnstitutunun direktoru, akademik Teymur Kərimli söyləyib. O deyib: “Vətəndaşlarımızdan bir xahişim, bir ricam, bəlkə də bir yalvarışım var: bir sıra insanların bilərəkdən, ya bilməyərəkdən yaydığı təxribat xarakterli, guya pandemiyanın müəyyən qlobal qüvvələr tərəfindən məqsədli şəkildə ortaya atıldığı haqqında xəbərlərə aldanmayın! Sərt karantin rejiminin tələblərinə riayət etməklə biz həm özümüzü, həm də ətrafımızdakıları, bütövlükdə isə xalqımızı qorumuş oluruq. Prezidentimizin dəfələrlə dediyi kimi, axı bu, o qədər də çətin bir iş deyil. Bu gün dövlətimizin başçısı bu tələblərə ciddi əməl etməklə nümunə göstərirsə, biz nə üçün ondan örnək götürməyək?
Gözəgörünməz düşmənə qarşı yeganə silahımız - sərt karantin rejimi qaydalarına ciddi əməl etməklə qələbəmizi yaxınlaşdırmaqdır! Əminəm ki, taleyin sınaqlarına dəfələrlə mərdliklə sinə gərib qalib çıxmış qəhrəman xalqımız bu dəfə də ən yaxşı ənənələrimizə sadiq olduğunu göstərəcək”.
OXŞAR XƏBƏRLƏR:

09.04.20 QORXU FEROMONLARI - TEYMUR KƏRİMLİ YAZIR....
04.04.20 AKADEMİK TEYMUR KƏRİMLİ: “ÇALIŞIRAM Kİ, İNSANLARIN ÜRƏYİNDƏ MİLLİLİYİN SÖNMƏSİNƏ İMKAN VERMƏYİM”
22.11.19 AKADEMİK TEYMUR KƏRİMLİ LENT.AZ SAYTINA MÜSAHİBƏ VERİB
14.06.19 PROFESSOR PAŞA KƏRİMOV MİLLİ QURTULUŞ GÜNÜ İLƏ BAĞLI "AzərTAC"A MÜSAHİBƏ VERİB
06.03.19 AKADEMİK T.KƏRİMLİ NƏSİMİ HUMANİZMİ HAQQINDA

© Copyright 2009-, AMEA Məhəmməd Füzuli ad. Əlyazmalar İnstitutu. Bütün hüquqlar qorunur.
Bağla