PROFESSOR KAMANDAR ŞƏRİFOVUN 80 İLLİK YUBİLEYİ QEYD EDİLİB » Əlyazmalar İnstitutu
(+994) 12 4923197 AMEA M.Füzuli ad. Əlyazmalar İnstitutunun rəsmi saytı
AZ EN



PROFESSOR KAMANDAR ŞƏRİFOVUN 80 İLLİK YUBİLEYİ QEYD EDİLİB

22.01.20. Oxunma sayı: 87 TƏDBİRLƏR
Yanvarın 22-də Azərbaycanın görkəmli mətnşünas alimi, AMEA Məhəmməd Füzuli adına Əlyazmalar İnstitutunun Ərəbdilli əlyazmaların tədqiqi şöbəsinin müdiri, filologiya üzrə elmlər doktoru, professor Kamandar Şərifovun 80 illik yubileyinə həsr olunmuş tədir keçirilib.
Tədbiri giriş sözü ilə açan institutun direktoru, akademik Teymur Kərimli bildirib ki, Kamandar Şərifovun yubileyi təkcə onun çalışdığı müəssisə və yaxınları üçün deyil, həm də Azərbaycan üçün əlamətdar gündür. Kamandar müəllim dünya şərqşünaslıq elminin ön sıralarında duran bir alimdir. Onun Azərbayan mətnşünslıq elminə bəxş etdiyi töhfələr ölkə səviyyəsində, eləcə də Əlyazmalar İnstitutu tərəfindən hər zaman yüksək qiymətləndirilib.
İnstitutun elmi işlər üzrə direktor müavini, filologiya üzrə elmlər doktoru Paşa Kərimov çıxışında əlyazmaların əldə edilməsində Kamandar Şərifovun müstəsna xidmətlər göstərdiyini, xüsusilə XIX əsrdə yaşamış görkəmli kitabşünas alim Əbdülqəni Xalisəqarızadınin şəxsi arxivinin Əlyazmalar İnstitutuna gətirilməsinin təşəbbüskarı olduğunu yüksək qiymətləndirib. Yazılı abidələrin dəyərli tədqiqatçısı Kamandar müəllimin həm də pedaqoji fəaliyyətindən söz açan P.Kərimov alimin eyni zamanda Azərbaycan dilinin təbliğinə də xüsusi diqqət ayırdığını vurğulayıb.
Fəlsəfə üzrə elmlər doktoru, Əlyazmalar İnstitutunun aparıcı elmi işçisi Zəkiyyə Əbilova Kamandar Şərifovun 80 illik ömür yoluna nəzər salıb, həyat və yaradıcılığından ətraflı bəhs edib.
Nəsimi adına Dilçilik İnstitutunun direktoru, akademik Möhsün Nağısoylu Kamandar Şərifovla bağlı ötən illərin xoş xatirələrini bölüşüb, birgə addımladıqları elm yolunda Kamandar müəllimin çəkdiyi zəhmətlərdən danışıb. Professorun mətnşünaslıq elmində göstərdiyi xidmətlərdən bəhs açan M.Nağısoylu onun həm də həqiqi vətənpərvər bir alim olduğunu vurğulayıb.
Yubiley tədbirində iştirak edən qonaqlar – BDU-nun professoru İlham Əzizov, şərqşünas alim İmamverdi Həmidov, ədəbiyyatşünas alim Almaz Ülvi Binnətova, dilçi alim, professor İsmayıl Məmmədli və digər ziyalılar professor Kamandar Şərifovun elmi fəaliyyətindən, insani keyfiyyətlərindən söz açıblar, xatirələrini paylaşıblar, alimə can sağlığı və yeni-yeni uğurlar diləyiblər.


OXŞAR XƏBƏRLƏR:

24.06.19 ƏLYAZMALAR İNSTİTUTUNDA “İMADƏDDİN NƏSİMİ: SƏLƏFLƏR VƏ XƏLƏFLƏR – ORTA ƏSRLƏR ƏLYAZMALARI VƏ AZƏRBAYCAN MƏDƏNİYYƏTİNİN TARİXİ PROBLEMLƏRİ” MÖVZUSUNDA XVII RESPUBLİKA ELMİ KONFRANSI KEÇİRİLİB
12.02.19 ELMİ ŞURADA PAŞA KƏRİMOVUN 60 İLLİK YUBİLEYİ QEYD OLUNUB
18.01.19 ƏLYAZMALAR İNSTİTUTUNDA 20 YANVARA HƏSR OLUNMUŞ ELMİ SESSİYA KEÇİRİLİB
13.06.18 ƏLYAZMALAR İNSTİTUTUNDA AXC-NİN 100 İLLİYİNƏ HƏSR OLUNMUŞ KONFRANS KEÇİRİLİB
07.05.18 HEYDƏR ƏLİYEV VƏ ƏLYAZMALAR İNSTİTUTU

© Copyright 2009-, AMEA Məhəmməd Füzuli ad. Əlyazmalar İnstitutu. Bütün hüquqlar qorunur.
Bağla