ƏLYAZMALAR İNSTİTUTUNDA XOCALI FACİƏSİ ANILIB » Əlyazmalar İnstitutu
(+994) 12 4923197 AMEA M.Füzuli ad. Əlyazmalar İnstitutunun rəsmi saytı
AZ EN



ƏLYAZMALAR İNSTİTUTUNDA XOCALI FACİƏSİ ANILIB

25.02.19. Oxunma sayı: 242 TƏDBİRLƏR
AMEA-nın Məhəmməd Füzuli adına Əlyazmalar İnstitutunda Xocalı faciəsinin 27-ci ildönümünə həsr edilmiş tədbir keçirilib. Əvvəlcə şəhidlərin ruhu bir dəqiqəlik sükutla yad edilib. Tədbiri giriş sözü ilə açan institutun elmi işlər üzrə direktor müavini fil.ü.e.d. Aybəniz Əliyeva-Kəngərli xalqımızın başına gətirilən faciələr barədə məlumat verib. O bildirib ki, Milli Məclis Ümummilli Lider Heydər Əliyevin təşəbbüsü ilə 1994-cü il fevral ayının 24-də “Xocalı soyqırımı günü haqqında” qərar qəbul edib. İndiki dövrdə bu qərarın nəticəsi kimi Azərbaycan dövləti Xocalı soyqırımı haqqında həqiqətləri olduğu kimi dünya dövlətlərinə, geniş ictimaiyyətə çatdırılması üçün uğurlu siyasət yürüdür, əməli addımlar atır. Aybəniz Əliyeva-Kəngərli bu sahədə cənab prezident İlham Əliyevin, I vitse-prezident Mehriban xanım Əliyevanın, “Xocalıya ədalət” kampaniyasının təşəbbüskarı Leyla xanım Əliyevanın fəaliyyətini xüsusi olaraq qeyd edib.
Tədbirdə çıxış edən institutun elmi işlər üzrə direktor müavini, fil.ü.e.d. Paşa Kərimov tarix boyu sülh və əmin-amanlıq tərəfdarı olan Azərbaycan xalqının başına gətirilən faciələrdən bəhs edib. O, müasir dünyada hələ də açıq, aydın faktları gözardı edən, ermənilər tərəfindən xalqımızın başına gətirilən bu misli görünməmiş soyqırıma biganə yanaşan anti-humanist qüvvələrin az olmadığını bildirib. O, qeyd edib ki, bütün bu ədalətsizliklərə baxmayaraq dövlətimiz Qarabağ müharibəsi, həmçinin Xocalı soyqırımı ilə bağlı həqiqətlərin dünya ictimaiyyətinə çatdırılması üçün məqsədyönlü və ardıcıl siyasət yürüdür.
Fil.ü.f.d., tanınmış jurnalist, Xocalı faciəsinin canlı şahidi Yusif Bağırlı öz xatirə və təəssüratlarını tədbir iştirakçıları ilə bölüşüb. O, Xocalı aeroportunun komandanı, Azərbaycanın milli qəhrəmanı Əlif Hacıyevin şəhərin dinc əhalisini xilas etmək üçün göstərdiyi şücaət və rəşadətdən bəhs edib.
İnstitut əməkdaşları Təranə Cavadova və Şöhrət Səlimbəyli Xocalı faciəsi ilə bağlı fikirlərini bölüşüblər.
Daha sonra institutunun Gənc alim və mütəxəssislər şurasının sədri, fil.ü.f.d. Aytən Quliyeva söz alıb və tarixi qəhrəmanlıq səhifələri ilə dolu olan bir ölkənin gənc vətəndaşı olmaqla fəxr etdiyini bildirib. O, bir gənc alim kimi ölkə rəhbərliyinin erməni qəsbkarlarına qarşı məqsədyönlü siyasətini daim izlədiyini və bu yolda əlindən gələni etməyə hazır olduğunu qeyd edib.
Sonda çıxış edən İnstitutun elmi katibi, dosent Əzizağa Nəcəfzadə tarixi keçmişimizə ətraflı şəkildə nəzər salıb və Xocalı söyqırımı zamanı mənfur düşmənə qarşı şücaətlə mübarizə aparan döyüşçülərimizdən, eləcə də buhadisələri işıqlandıran dəyərli həmvətənlərimizdən danışıb.


скачать dle 12.0
OXŞAR XƏBƏRLƏR:

02.02.19 ƏLYAZMALAR İNSTİTUTUNDA "GƏNCLƏR GÜNÜ" QEYD OLUNUB
18.01.19 ƏLYAZMALAR İNSTİTUTUNDA 20 YANVARA HƏSR OLUNMUŞ ELMİ SESSİYA KEÇİRİLİB
24.04.18 “AZƏRBAYCAN MƏDƏNİYYƏT TARİXİNİN PROBLEMLƏRİ ƏLYAZMALARDA” MÖVZUSUNDA XVI ƏNƏNƏVİ RESPUBLİKA ELMİ-NƏZƏRİ KONFRANS
26.02.18 ƏLYAZMALAR İNSTİTUTUNDA XOCALI FACİƏSİNƏ HƏSR EDİLMİŞ ANIM MƏRASİMİ KEÇİRİLİB
19.01.18 ƏLYAZMALAR İNSTİTUTUNDA “20 YANVAR-ÜMUMXALQ HÜZN GÜNÜ” ADLI ELMİ SESSİYA KEÇİRİLİB

© Copyright 2008-, AMEA Məhəmməd Füzuli ad. Əlyazmalar İnstitutu. Bütün hüquqlar qorunur.
Bağla